"Ляпісы" знялі казку

 "Месяц" – гэта новая праца ўкраінскага кліпмэйкера Аляксанда Сцяколенкі, як шчыльна працуе з "Ляпісамі" з 2011 года. Відэа здымалася ў жніўні пад Кіевам і, па словах лідара гурта Сяргея Міхалка, стала алюзіяй да ўсходнееўрапейскіх казак і фільмаў яго ўлюбёных рэжысёраў.

"Было вельмі цікава апынуцца ў свеце нечым падобным да кінастужак Тэры Гільяма ці Ціма Бёртана, – распавядае Міхалок. – Нам самім вельмі падабаюцца казкі, фантастыка, цмокі, пачвары, страшыдлы".  

Песня "Месяц" стане адным з двух новых трэкаў на беларускамоўным альбоме "Грай". Яго лічбавы рэліз запланаваны на канец кастрычніка, а напярэдадні канцэрта-прэзентацыі ў Вільні (30 лістапада, Siemens Arena) "Грай" выйдзе на CD, вініле і фірменым mp3-плэеры Lyapis Crew. Саму песню ўжо можна набыць на iTunes .

У Беларусі ў прадаюцца два віды квіткоў на канцэрт "Грай". Квіткі забяспечаныя бясплатнымі візамі можна набыць толькі ў мінскім офісе агенцыі "Шаблі". Акрамя таго ў 42 гарадах Беларусі ў касах Kvitki.by можна набыць квіткі без забяспячэння візамі (для тых, хто мае візы). Кошт абодвух відаў квіткоў аднолькавы: 200 тыс. руб. на танцпол, 250-300 тыс. руб. на трыбуны.

Інфалінія ў Беларусі: +375 33 6555596, +375 29 6555596, +375 17 2801510.