З-за чумы свіней у Беларусі адстралялі чвэрць папуляцыі дзікоў

На пачатак году ў Беларусі налічвалася каля 80 тысяч дзікоў, піша Радыё Свабода. Асноўныя мерапрыемствы па скарачэнні колькасці дзікоў пройдуць у восеньска-зімовы перыяд, у кастрычніку — снежні. Міністэрства лясной гаспадаркі паставіла задачу не цалкам знішчыць дзікоў, а максімальна скараціць іх колькасць. Паляванне на дзіка дазволена круглы год, цэны на паляўнічыя пуцёўкі зніжаныя, паведамляе Інтэрфакс са спасылкай на Міністэрства лясной гаспадаркі.

Паводле першага намесніка кіраўніка Дэпартаменту ветэрынарнага і харчовага нагляду Міністэрства сельскай гаспадаркі і харчавання, галоўнага дзяржвэтінспектара Беларусі Юрыя Піваварчыка, нягледзячы на тое, што выпадкаў заражэння дзікоў афрыканскай чумой свіней у Беларусі не зарэгістравана, прынята рашэнне скараціць іх колькасць.