31 жніўня лідар "Маладога фронта" і яго намесніца павянчаліся ў адной з мінскіх цэркваў

Акции / Фото

Афіцыйны шлюб лідар "Маладога фронту" Зміцер Дашкевіч і яго намесніца Наста Палажанка ўзялі шлюб 26 снежня 2012 года ў Гродзенскай турме, дзе палітык адбываў пакаранне. У ролі сведак выступілі супрацоўнікі калоніі. Анастасія ўзяла прозвішча мужа.

Шлюб Палажанка і Дашкевіч проста ўзяць не атрымалася. Больш года Дашкевічу не вярталі пашпарт, які забралі ў яго ў КДБ. Больш паўгода адвакат і нявеста Дашкевіча накіроўвалі ў розныя структуры скаргі з просьбай вярнуць пашпарт, пакуль Генпракуратура афіцыйна не адказала, што дакладнае месцазнаходжанне дакумента ўстанавіць не ўдалося. Толькі пасля гэтага пашпарт быў адноўлены і Дашкевіч з Палажанкай змаглі афіцыйна ўзяць шлюб.

"Я рады, што сёння прыйшоў да правільнай іерархіі: Бог, сям'я, Айчына, — сказаў Дашкевіч падчас евангелісцкай цырымоніі. — Мы з Насцяй людзі веруючыя, і рэгістрацыю шлюбу ў турме для нас, хутчэй, была падрыхтоўка да шлюбу, да адказнасці, пакуль мы не паабяцалі перад Богам быць вернымі адзін аднаму. Таму адлік нашага шлюбу мы вядзём з сённяшняга дня".