У Беларусі павялічылі памеры штрафаў для безбілетнікаў

Як паведамляе БелаПАН са спасылкай на Нацыянальны цэнтр прававой інфармацыі, цяпер за безбілетны праезд пасажыраў на ўсіх відах гарадскога транспарту, у цягніках гарадскіх ліній, а таксама за праходжанне кантрольнага турнікета (лініі кантролю) у метрапалітэне без дакумента, які пацвярджае права на праезд, прадугледжаны штраф у 0,5 базавай велічыні (50 тысяч рублёў). Раней штраф складаў 0,2 базавай велічыні.

Безбілетны праезд пасажыраў у цягніку рэгіянальных ліній, аўтобусе і маршрутным таксі прыгарадных зносін цягне накладанне штрафу ў 0,7 базавай велічыні (70 тысяч рублёў), раней — 0,5 базавай велічыні.

Безбілетны праезд пасажыраў у цягніках міжрэгіянальных і міжнародных ліній, у аўтобусе і маршрутным таксі міжгародніх зносін цягне накладанне штрафу ў адну базавую велічыню.