Беларуска трапіла ў палон да сірыйскіх паўстанцаў

Другая жанчына называе сябе Карынай з Малдовы, піша Радыё Свабода. Жанчыны кажуць, што іх прывезлі ў Сірыю пад выглядам журналістак. Усё адбываецца пад дуламі аўтаматаў і ў прысутнасці людзей у камуфляжы і балаклавах.

На сайце «Одноклассники» ёсьць профіль з фотаздымкамі жанчыны з такім жа імём і знешнім выглядам. Паводле яго, Святлане Маркіяновіч 30 гадоў, яна з Жодзіна. На адным з фотаздымкаў Святлана ў салоне самалёта. Апошні раз яна заходзіла на сваю старонку 17 чэрвеня.

Леанід Быдка, брат Карыны Кольца, якая знаходзіцца ў палоне ў сірыйскіх паўстанцаў разам з беларускай Святланай Маркіяновіч, паведаміў, што яна выехала 25 ліпеня “на заробкі”.

“Яна званіла мне тыдзень таму. Сказала, што яе выкралі. Я сказаў, што не ведаю, што рабіць. Тады яна мне сказала, каб я пайшоў да той жанчыны, якая яе сюды адправіла. Я пытаюся, як цябе выкралі. Яна кажа, што выкралі яе ў сяброўкі, і яна зараз знаходзіцца з ёю ў палоне”.

Па словах брата, Карына выехала 25 ліпеня “працаваць”, аднак краіны ён не ведае. Нумар тэлефона, з якога яна званіла першы раз, быў з Лівана. Другі раз, калі яна паведамляла пра выкраданне, нумар быў сірыйскі. Яна таксама паведаміла, што знаходзіцца ў Сірыі.

Карыне 32 гады, яна не мае сям’і, дзяцей і пэўнай прафесіі. Брат Карыны дагэтуль не звяртаўся да праваахоўных органаў.

“Хезбала” — шыіцкая ісламісцкая тэрарыстычная арганізацыя і палітычная партыя, заснаваная ў Ліване. Дзейнічае больш за 30 гадоў. Яе цяперашні лідар — Хасан Насрала. Колькасць удзельнікаў па розных падліках вагаецца ад некалькіх тысяч да некалькіх дзясяткаў тысяч чалавек. Знакамітая гучнымі тэрарыстычнымі акцыямі. Выдатна ўзброеная і валодае высокатэхналагічным абсталяваннем. Мае ўласны спутнікавы тэлеканал і радыёстанцыю.