Старшыня гарвыканкаму загадаў развіваць роварны рух у Мінску

Кіраўнік гарвыканкаму выказаў шэраг заўваг, а таксама заявіў пранезадаволенасць тэмпамі і ходам развіцця роварнага руху, заслухаўшы даклад першага намесніка начальніка ўпраўлення спорту і турызму Валянціна Бараўка, перадае агенцтва "Мінск-навіны".

У працы павінны прыняць удзел не толькі чыноўнікі з адміністрацый раёнаў, але і трэнеры па веласпорце. На працягу месяца ім неабходна абследаваць кожную вуліцу і паказаць, дзе трэба панізіць бартавы камень, пашырыць роварную дарожку і выканаць іншыя працы. Складзены раней план ужо не адказвае патрабаванням насельніцтва, канстатаваў Мікалай Ладуцька.

Таксама ў горадзе створаць прафесійны роварны клуб. Адпаведныя матэрыялы будуць разгледжаны на адным з бліжэйшых пасяджэнняў Мінгарвыканкама.

- Адпрацуйце з айчыннымі вытворцамі роварнай тэхнік сістэму развіцця роварнага руху. У іх такая ініцыятыва ёсць, - даручыў кіраўнік Мінгарвыканкама. - Яны павінны ўкласці частку грошай у стварэнне роварнага клуба. Неабходна арганізаваць і сетку аб'ектаў гандлю і пракату ровараў, заснаваную на прадукцыі айчыннай вытворчасці.

У цяперашні час у Мінску налічваецца каля 300 тысяч велааматараў. Іх лік павінен вырасці да 500 тысяч, адзначыў Мікалай Ладуцька.

У развіццё велосферы ўжо ўключыліся камерцыйныя арганізацыі і прыватныя прадпрымальнікі. Вырасла колькасць пунктаў пракату - іх зараз 22, паведаміў Валянцін Баравок. Адчыніліся 13 рамонтных майстэрняў, велакафэ і велакухня.

За апошнія гады сітуацыя з веластруктурой палепшылася, але праблем яшчэ шмат. Напрыклад, усе мерапрыемствы па зніжэнні бардзюрнага каменя выкананы толькі ў Савецкім і Ленінскім раёнах. Блізкія да завяршэння працы ў Фрунзенскім.

- У Савецкім раёне знайшлі эфектыўнае рашэнне праблемы - так званыя велапандусы, - адзначыў Валянцін Баравок. - Бетонная пліта шырынёй адзін метр служыць адаптарам паміж праезнай часткай і тратуарам. Яна зручная для ровара, дзіцячага ды інваліднага вазкоў. Сёння ў раёне ўсталяваныя пяць такіх пандусаў.