Праваабаронцаў з “Вясны” пакаралі штрафамі

Іх прызналі вінаватымі ў парушэнні артыкула 23.34 Кодэксу аб адміністратыўных правапарушэннях Рэспублікі Беларусь (“Парушэнне парадку арганізацыі і правядзення масавых мерапрыемстваў”) і пакаралі штрафамі ў памеры 30 базавых велічынь (3 мільёны рублёў), паведамляе сайт Праваабарончага цэнтру “Вясна”.

Справу Таццяны Равякі разглядала суддзя Марына Фёдарава, справу Ўладзіміра Лабковіча – суддзя Дзмітрый Паўлючэнка.

Нагадаем, што правабаронцы былі затрыманыя ўчора падчас раздачы інфармацыйных матэрыялаў, прысвечаных другой гадавіне арышту кіраўніка “Вясны” Алеся Бяляцкага. Учора суд накіраваў складзеныя міліянтамі пратаколы на дапрацоўку.