Мінская міліцыя не дала правесцi байцоўскі турнір White Rex

 Пра забарону мерапрыемства яго арганізатарам стала вядома толькі ў самы апошні момант — у суботу раніцай, паведамляе Еўрарадыё.

Першапачаткова на правядзенне турніру былі дазволы ад федэрацыі рукапашнага бою Беларусі і ўпраўлення міліцыі Першамайскага раёна. Пра гэта ініцыятыва паведамляе на сваёй старонцы Вконтакте.

Як лічаць арганізатары, мінскія міліцыянеры палічылі што “турнір — гэта не свята спорту, а нацысцкі шабаш”.

Са словаў відавочцаў, каля месца правядзення баёў былі заўважныя аўтобусы са спецназам.

Мерапрыемства паспрабавалі перанесці ў іншае месцы, аднак паўнавартаснага турніру так і не адбылося. Атрымалася правесці толькі 3 баі.

Адзначым, што ініцыятыву White Rex у інтэрнэце абвінавачваюць у неанацысцкіх схільнасцях. На адным з іх турніраў біўся, да прыкладу, добра вядомы ў Мінску неанацыст Максім “Цясак” Марцінкевіч.