Да чэмпіянату свету па хакеі ў Мінску з’явіцца 400 дадатковых пунктаў доступу Wi-Fi

Пра гэта БелТА паведаміў дырэктар філіяла "Мінская гарадская тэлефонная сетка" РУП "Белтэлекам" Эдуард Белакурскі.

Бесправадны доступ у Інтэрнэт будзе забяспечаны перш за ўсё ў сталічных гасцініцах і іншых аб'ектах, дзе будуць пражываць госці чэмпіянату свету па хакеі, спартыўных комплексах "Мінск-Арэна", "Чыжоўка-Арэна", Палацы спорту, парках, скверах, на галоўных вуліцах і пляцоўках горада, у кафэ і рэстаранах.

"Мы працуем з Мінгарвыканкамам па ўзгадненню месц для размяшчэння пунктаў. У першую чаргу імі абсталююць праспект Незалежнасці, паркі Горкага, Перамогі, спартыўныя збудаванні. Паслугі будуць аказвацца карыстальнікам па тарыфах "Белтэлекама", - сказаў Эдуард Белакурскі.

Паводле яго слоў, гэта важны для горада праект, які накіраваны на ўдасканаленне турыстычнай інфраструктуры, прадастаўленне дадатковых магчымасцей для мінчан і гасцей у сферы мабільнага Інтэрнэту.

Таксама ў сталіцы плануецца больш актыўна развіваць тэлекамунікацыйныя тэхналогіі ў сферах адукацыі, аховы зароўя, сацыяльнай абароны насельніцтва.