Па факце ДТЗ у Аршанскім раёне ўзбуджана крымінальная справа

Як паведаміла БелаПАН афіцыйны прадстаўнік Следчага камітэта Беларусі Юлія Ганчарова, справа распачата ўпраўленнем СК па Віцебскай вобласці на падставе ч. 3 арт. 317 КК (парушэнне правіл дарожнага руху, якое пацягнула па неасцярожнасці смерць дзвюх і больш асоб).

Нагадаем, ДТЗ адбылося 28 ліпеня ў 7.20 на роўным, з добрым аглядам па абодва бакі ўчастку дарогі Санкт-Пецярбург — Адэса. Адбылося лабавое сутыкненне аўтамабіляў "Опель Амега" расійскай рэгістрацыі і "Мерседэс Спрынтар" на ўкраінскіх нумарах.

На месцы ДТЗ загінулі вадзіцель і чатыры пасажыры "Опель Амега", а таксама трое пасажыраў у "Мерседэсе Спрынтары", астатнія пацярпелыя шпіталяваныя.

Як сказала Юлія Ганчарова, на месцы здарэння працуе следча-аператыўная група, у тым ліку найбольш дасведчаныя следчыя і крыміналісты цэнтральнага апарата СК. Тут жа знаходзіцца старшыня Следчага камітэта Валянцін Шаеў і адзін з яго намеснікаў.

Выняты відэазапіс з відэарэгістратара аднаго з аўтамабіляў, які рухаўся за "Мерседэсам", дзе паказаны момант сутыкнення, устаноўлены нумары машын, у якіх могуць быць сведкі ДТЗ.

Папярэдне ўстаноўленыя асобы ўсіх загінулых у дарожна-транспартным здарэнні ў Аршанскім раёне. Са знойдзеных дакументаў вынікае, што ў легкавой аўтамашыне загінулі чацвёра грамадзянін Узбекістана і адзін грамадзянін Азербайджана, у мікрааўтобусе — чацвёра грамадзянін Украіны.