З Вінаградавым чарговы раз правялі прафілактычную гутарку і адпусцілі

У размове з Радыё Свабода Павел Вінаградаў распавёў пра падрабязнасці затрыманьня і сказаў, што ў яго адразу забралі тэлефон:

«Выходжу я з пад’езда, каб паехаць у суд да Някляева, а мяне сустракаюць падпалкоўнік Бегуноў з Маскоўскага РУУС і супрацоўнік міліцыі Аляксандр Казакевіч. Яны павялі мяне на прафілактычную гутарку ў Маскоўскі РУУС. Там мяне папярэдзілі пра недапушчальнасць учынення правапарушэнняў і злачынстваў.

Я распісаўся і сядзеў да 15.35.

Патлумачыць гэта даволі цяжка. Мінулым разам гэта быў саміт СНД, прыязджаў Мядзведзеў. Цяпер, можа, перастрахаваліся з-за суда Някляева. Ці, магчыма, гэта звязана з прыездам патрыярхаў. Можа, я ім хацеў свята спасаваць, не ведаю. Цяжка меркаваць, бо як міліцыянты думаюць, мне часам незразумела».