Згарэў хутар Шаблі - радзiма "Вольнага паветра"

 Пра тое, што гарыць дах дома, выратавальнікам паведамілі суседзі, паведамляе "Рэгіянальная газета".

– Загарэўся другі паверх, – кажа старшы інжынер Валожынскага дзярпажнагляду Віталь Маршалок. – Мужчына паліў у печы і пакінуў яе без нагляду. З-за гэтага і пачаўся пажар.

Мужчына, які адзін жыве ў доме, не пацярпеў.

Мясцовыя жыхары расказалі "Рэгіянальнай газеце", што хутар значна пацярпеў ад гэтага пажару.

Маленькі хутар Шаблі музычнага прадусэра Ўладзіміра Шаблінскага доўгi час прэтэндаваў на летнюю музычную сталіцу Беларусі. Тут праводзiлiся такiя фэсты як "Вольнае паветра", "На траве", "Пікнік.By" ды iншыя.