У Маладзечне адрадзілі Таварыства беларускай мовы

Старшынёй раённай арганізацыі абраны Генадзь Фарыно, які таксама ўзначальвае Маладзечанскую арганізацыю АГП і аргкамітэт стваранага грамадскага аб'яднання "Рэгіянальны шлях". Па адукацыі ён юрыст і багаслоў.

Як паведаміў БелаПАН Генадзь Фарыно, арганізацыя фармальна існавала даўно, але на працягу шэрагу гадоў па розных прычынах фактычна не праяўляла сябе.

"Мы спадзяёмся, што з абраннем новага кіраўніцтва арганізацыя актывізуе сваю дзейнасць. Маладзечна і прылеглыя раёны з'яўляюцца дастаткова камфортным асяроддзем для дзейнасці ТБМ. Мясцовае насельніцтва даволі актыўна выкарыстоўвае беларускую мову, а ў рэгіянальных уладаў яна не выклікае непрыняцця", - зазначыў Фарыно.

Паводле яго словаў, арганізацыя плануе праводзіць дастаткова мяккую палітыку прапаганды беларускай мовы і ўстрымлівацца ад усякіх агрэсіўных спробаў навязаць яго. "Сярод нашых першачарговых планаў — паўплываць на тапанімічную камісію Маладзечанскага райвыканкама для таго, каб цэлы шэраг вуліц горада атрымалі гістарычныя назвы", — сказаў Фарыно.