Пасля гадавога перапынку выйшаў новы нумар часопіса Arche

Нумар так і не змог выйсці своечасова, на часопіс звалілася праверка Дэпартамента фінансавых расследаванняў, піша “Наша ніва”.

Новы нумар часопіса складаецца з перакладаў прац заходніх даследчыкаў Другой сусветнай вайны, якія вывучалі Беларусь.

«Тут ёсць публікацыі, прысвечаныя праблемам нацысцкага тэрору, здзяйснянага нацыстамі пры дапамозе сваіх прыхільнікаў з ліку мясцовага насельніцтва, тэксты, прысвечаныя зусім не простым узаемаадносінам мясцовага насельніцтва з партызанамі», — напісаў у прадмове намеснік галоўнага рэдактара часопіса, гісторык Алесь Пашкевіч.

Нагадаем, што часопіс Arche змог прайсці перарэгістрацыю толькі з пятай спробы. Чатыры разы выданню адмаўлялі па фармальных прычынах.