У Гомелі зніклі ўскладзеныя 9 мая вянкі ад апазіцыйных арганізацый

У размове з Радыё Свабода кіраўнік Гомельскай абласной арганізацыі партыі левых «Справядлівы свет» Уладзімір Сякерка паведаміў, што гараджане заўважылі знікненне вянкоў 11 мая.

Усё іншыя вянкі былі на месцы — ад аблвыканкаму, гарвыканкаму, упраўлення КДБ, афіцыйных прафсаюзаў.

"12-га мая япадаў заяву ў Цэнтральны райаддзел міліцыі з просьбай высветліць, хто займаецца крадзяжом вянкоў ля мемарыялу ў цэнтры гораду, па сутнасці, форменным вандалізмам. Маёр міліцыі Сяргей Крышнёў ўзяў у мяне тлумачэнне. Мы разам з дзяжурнай міліцэйскай брыгадай ездзілі да мемарыялу і пераканаліся, што ўсе вянкі былі на месцы, апрача двух — ад нашай абласной партыйнай арганізацыі і аб’яднаных дэмакратычных сілаў рэгіёну", — заявіўСякерка.