Прадстаўнікі дэмакратычнай апазіцыі збіраюцца наведаць забруджаную зону

Гэты камітэт будзе насіць імя Івана Нікітчанкі і будзе займацца пытаннямі экалогіі, перадае “Радые Рацыя”.

25 красавіка ў планах паездка ў Хойнікі, Брагін і Карчму. Пра гэта паведаміў сябра аргкамітэта па правядзенні Чарнобыльскага шляха, адзін з лідараў Беларускай Хрысціянскай Дэмакратыі Віталь Рымашэўскі.

– Дзеля таго, каб сустрэцца з людзьмі з Чарнобыльскай зоны, паразмаўляць, даведацца пра іх праблемы, пачуць, што іх турбуе ў першую чаргу, лідары палітычных партый, якія ўваходзяць у аргкамітэт Чарнобыльскага шляху, ладзяць 25 красавіка паездку ў Чарнобыльскую зону. Мы спадзяемся, што гэта стане першая серыя паездак па Чарнобыльскай зоне, якія будуць зладжаны на забруджаных тэрыторыях у гэтым годзе.

Удзельнікі вандроўкі маюць намер замераць узровень радыяцыі ў тых месцах, дзе вырошчваюцца прадукты харчавання не толькі для Чарнобыльскага рэгіёна, але і для ўсёй Беларусі. Таксама Аб’яднаная грамадзянская партыя запланавала пікет у Астраўцы, і 26 красавіка лідэры партыі зьбіраюцца наведаць гэты горад.

Падчас акцыі 26 красавіка ў Мінску будуць збіраць подпісы супраць будаўніцтва Астравецкай АЭС, а таксама ахвяраванні, каб лячыць анкалагічна хворых дзяцей у Бараўлянах.