У Мінске пройдзе тэатральны фэст, прысвечаны беларускай мове

На фестывалі выступяць аматарскія і альтэрнатыўныя калектывы з Мінску і іншых гарадоў Беларусі. Усяго будзе паказана 11 спектакляў паводле п’есаў беларускіх і замежных аўтараў, перадае Радыё Свабода.

Сёлета фестываль прысвечаны беларускай мове, таму ўсе пастаноўкі будуць ісці выключна на ёй, незалежна ад нацыянальнай прыналежнасці драматурга, — паведамляюць арганізатары.

Чаму менавіта беларуская? Існуе стэрэатып, што ў тэатральным асяроддзі яна існуе ў якасці архачнай дэкарацыі спектаклей прафесійных тэатраў. Нібы стары маразматычны дзядуля, якога ў сям’і ўсе павінныя паважаць, але ўсур’ёз да яго ніхто не ставіцца.

«Фестываль „Дзверы“ спрабуе разгледзець, як суадносяцца беларуская мова і моладзевы тэатар, як яе выкарыстанне ўплывае на вобразнасць і форму аматарскіх спектакляў. Ці патрэбна ўвогуле аматарам звяртацца да роднай мовы? Адказ мы даведаемся напрыканцы красавiка. На базе блога тэатральнага руху „Дзверы“ будзе адчыненая дыскусійная пляцоўка, дзе кожны глядач зможа пакінуць сваё меркаванне на гэты конт», — зазначаюць арганізатары фэсту.
Уваход на кожны з дней мерапрыемства вольны.