Сайт магілёўскай філіі “Вясны” ўзламалі невядомыя

Праваабаронца Барыс Бухель ў размове з Радыё Свабода заявіў, што не пісаў нічога такога. Ён прызнаў, што выказваў, у тым ліку праз тэлефон, незадавальненні Буракаву, пра некаторыя ягоныя публікацыі, аднак пагрозаў, што звернецца на журналіста ў суд не было. Гэты былі проста спрэчкі, кажа ён.

Алесь Буракоў заяўляе, што спецслужбы такім чынам пачалі падрыхтоўку да прэзідэнцкай кампаніі 2015 году.

«Калі такія публікацыі з’яўляюцца, то яны сведчаць, што незалежныя журналісты і праваабаронцы дзейнічаюць у слушным кірунку і гэтая дзейнасць непакоіць спецслужбы. Гэта не першая спроба ў Магілёве зрабіць такі правакацыйны кантэнт. На працягу трох месяцаў рассылаюцца праз электронную пошту дыскрэдытуючыя паведамленні пра журналістаў і праваабаронцаў. Такая хваля правакацый будзе нарастаць і гэта будзе доўжыцца да 2015 году», — сказаў Буракоў.

У мінскім офісе «Вясны» факт узлому сайту пацвердзілі, адзначыўшы, што шукаюць, як узлом адбыўся і хто гэта мог зрабіць.