У Віцебску затрымалі актывістаў Партыі БНФ, якія раздавалі запрашэнні на Дзень Волі

Актывістаў адвезлі ў аддзелі міліцыі Кастрычніцкага раёну Віцебска, паведамляе Радыё Свабода.

Паводле словаў Леаніда Аўтухова, правесці 25 сакавіка імпрэзу ў Парку культуры і адпачынку чыгуначнікаў яны вырашылі ў любым выпадку — нават калі не будзе дазволу раённых уладаў:

“Адказу на маю заяўку мне так і не даслалі. Але я лічу, што трэба праводзіць імпрэзу незалежна ад вердыкту адміністрацыі Чыгуначнага раёну. Мы — зарэгістраваная партыя, маем права на выказванне сваёй пазіцыі. Гэта патлумачылі і ахове „Эвікома“, і міліцыянтам”.

На 25 сакавіка ў Віцебску замаўлялі два мітынгі. Адзін — ад імя актывістаў Партыі БНФ, другі — з ініцыятывы кіраўніка абласной структуры Руху “За свабоду” Хрыстафора Жаляпава і сацыял-дэмакрата Аляксея Гаўруцікава, аднапартыйца Мікалая Статкевіча. Спадары Жаляпаў і Гаўруцікаў атрымалі адмову ад адміністрацыі Першамайскага раёну: ім паведамілі, што якраз 25 сакавіка ў парку імя 30-годзьдзя УЛКСМ для іхнага мітынгу няма месца, бо там з 14.00 да 19.00 будуць праводзіцца спартыўныя мерапрыемствы.