Хрысціянскім дэмакратам з Магілёва адмовілі ў юрыдычным адрасе для рэгістрацыі

Старшыня Схода і Рады ГА “Маладыя Хрысціянскія Дэмакраты Магілёва” Яўгеній Дудкін адзначыў: “На жаль, згодна заканадаўства, нават дробныя, лакальнага маштаба будучыя грамадскія аб’яднанні павінны мець офіс, юрыдычны адрас якога выкарыстоўваецца падчас дзяржаўнай рэгістрацыі арганізацыі", паведмаляе прэс-служба БХД.

Яўген Дудкіна дадаў: “улічваючы той факт, што моладзі, студэнтам цяжка знайсці тыя вялікія грошы для арэнды памяшкання, зразумела адно – афіцыйнае, юрыдычна правільнае стварэнне грамадскіх аб’яднанняў лакальнага маштаба сустракае перад сабой моцную заслону – пытанне офіса. А паколькі маладыя людзі аб’ядноўваюцца на аснове альтруізма і як “цімураўцы” робяць свае акцыі, не патрабуючы ні грошай, ні матэрыяльнай узнагароды, а ўсё за свой кошт, хочацца сказаць ім толькі вялікі дзякуй”.

Лідар магілёўскіх хрысціянскіх дэмакратаў падкрэсліў, што МХДМ “у параўнанні з іншымі грамадскімі аб’яднаннямі не атрымоўваюць фінансавай падтрымкі з боку дзяржавы, а крэатывяць выключна з дапамогай унутранага пачуцця сапраўднага грамадзяніна і патрыёта, які поўнасцю аддае сябе Радзіме”.