Апублікаваны фрагмент рэканструкцыі беларускага катынскага спісу

Ён складаецца з 98 прозвішчаў грамадзянаў Польшчы, закатаваных у 1940 годзе савецкімі ўладамі на тэрыторыі Беларусі, піша Наша Ніва.

Спіс паўстаў у выніку параўнання спісаў польскіх грамадзян, якія загінулі на тэрыторыі былых паўночна-ўсходніх ваяводстваў Польшчы, з запісамі прозвішчаў асоб, якіх перавозілі ў мінскую турму канвойнымі войскамі НКУС СССР.

Спіс 15-й брыгады войск НКУС быў прадстаўлены Расійскім дзяржаўным ваенным архівам. Польскія грамадзяне з гэтага канвою былі за невялікімі выключэннямі завезеныя ў мінскую турму з сакавіка па ліпень 1940 года.

У гэты самы час войскі НКУС СССР выконвалі загад савецкага кіраўніцтва аб зьнішчэньні польскіх грамадзян, якія былі інтэрнаваныя ў лягерах ваеннапалонных у Казельску, Старабельску і Асташкаве, а таксама ў турмах Заходняй Украіны і Заходняй Беларусі.

Цэнтр Польска-расійскага дыялогу падкрэслівае, што адсутнасць далейшых звестак пра асоб з гэтага спісу пацвярджае, што яны былі забітыя.

З фрагментам спісу можна азнаёміцца па наступнай спасылцы.