Жыхар Мінска дамагаецца беларусізацыі банкаўскіх інфакіёскаў

«Я кліент „Беларусбанка“. — распавёў Дзмітрый Курза газеце “Наша ніва”. — І мне не падабаецца, што ў інфакіёсках няма беларускай мовы. У банкаматах беларускі інтэрфэйс ёсць. Я звярнуўся да кіраўніцтва банка праз электронную форму на сайце. У выніку мне прыйшла адпіска, што маё пытанне будзе разгледжана. Але мяне такі адказ не задаволіў».

Тады спадар Дзмітрый вырашыў стварыць электронную петыцыю на сайце change.org.

«Калі я збяру каля дзвюх тысяч подпісаў, я іх раздрукую і пайду на прыём да кіраўніцтва банка. — кажа Дзмітрый. — Зараз ужо падпісалася каля тысячы чалавек. Заклікаю ўсіх ахвотных далучацца».

Падпісаць петыцыю можна тут.