Памёр беларускі пісьменнік з Польшчы Сакрат Яновіч

Сакрат Яновіч нарадзіўся 4 верасня 1936 году ў Крынках на Беласточчыне, піша Беларускаяслужба Польскага радыё.

Сакрат Яновіч працаваў перакладчыкам у тыднёвіку беларусаў Польшчы "Ніва", пасля стаў журналістам. У 1970-м быў звольнены з працы за "беларускі нацыяналізм", застаўся беспрацоўным, нейкі час працаваў грузчыкам, тэхнікам бяспекі працы. У 1973 годзе скончыў завочны факультэт польскай і славянскай філалогіі Варшаўскага універсітэта. Пісаў на беларускай і польскай мовах. Аўтар зборнікаў апавяданняў і мініяцюр, выйшла каля 30 яго кніг.

У 2007 годзе Сакрат Яновіч прызнаўся, што ў 1958-1970 гадах супрацоўнічаў са Службай бяспекі Польскай Народнай Рэспублікі.