Тэрмін прыпынення будаўніцтва “Бульбаш-хола” сканчаецца ў траўні

Ганна Шапуцька, Марат Гаравы і Ўладзімер Раманоўскі сустрэліся з чыноўнікамі Мінаблвыканкаму, мінкульту і мінархітэктуры, каб высьветліць «Бульбаш-холу», паведмаляе Радыё Свабода.

«Я задавала канкрэтныя пытаньні. Калі знясуць будынкі „Бульбаш-Холу“ і СТА, якая да іх прылягае? Калі будзе гатовы новы плян упарадкавання Курапатаў з улікам культурна-ахоўных зонаў? Чыноўнікі адказалі толькі, што пакуль пытанне вывучаецца, будаўніцтва спыненае на паўгода — гэты тэрмін скончыцца ў траўні», — паведаміла Ганна Шапуцька.

«Тут такі парадак: міністэрства культуры павінна зацвердзіць ахоўныя зоны, тады Мінаблвыканкам павінен зацвердзіць горадабудаўнічы праект, пасля будуць грамадскія абмеркаванні, і ўжо толькі пасля ўсяго гэтага будзе гатовы канчатковы праект. Дык вось выглядае, што ўсе гэтыя структуры нешта вывучаюць, робяць паасобку, а ніякай ані каардынацыі, ані цэнтралізавана зведзенай інфармацыі няма», — канстатавала Ганна Шапуцька.