У Наваполацку затрыманы актывіст БХД

У лісце актывіст хацеў запытацца, чаму яму даслалі позву без патрэбных пазнак, да таго ж яе папросту кінулі ў паштовую скрыню. Як распавяла радыё "Рацыя" віцебская абласная каардынатарка БХД Таццяна Севярынец, Малашэнку затрымалі адразу на выхадзе з пад'езда і на вачах у жонкі запіхнулі ў міліцэйскую машыну. Як кажа Таццяна Севярынец, па гэтай справе выклікаюць яшчэ аднаго наваполацкага актывіста.

Цяпер не можна з актывістам выйсці на сувязь, відаць вядзецца ягоны допыт, кажа Таццяна Севярынец.

– Яго завезлі ў РАУС і я яшчэ ведаю, што Яўгена Парчынскага таксама выклікалі, даслалі яму позву на 11 гадзін на допыт. Думаю, што магчыма будзе суд у хуткім часе. Я тэлефаную Сяргею, на жаль, ён мне не адказвае. Відаць допыт доўжыцца ці пратакол складаюць. Там жа яшчэ Парчэўскі дадаўся, так што відаць яшчэ нічога не вядома.

Наваполацкія актывісты Сяргей Малашэнка і Яўген Парчынскі 9 студзеня сфатаграфаваліся з фотаздымкам Алеся Бяляцкага на ганку мясцовага РАУС. Гэты фотаздымак быў выкладзены ў інтэрнэт на знак салідарнасці з гарадзенскімі праваабаронцамі, аштрафаванымі пасля публікацыі падобных фотаздымкаў "за правядзенне несанкцыянаванай акцыі".