Ірына Дубянецкая: У XXII стагоддзі праваслаўныя будуць святкаваць Каляды 8 студзеня

 Яшчэ ў XIX ст. нараджэнне Хрыстова адзначалася праваслаўнымі 6 студзеня, у XVIII ст. – 5 студзеня і г.д. З кожным стагоддзем, апрача XXI-га, дата Калядаў перасоўваецца. Гэтыя непаразуменні ўзнікаюць з-за юліанскага календара, па якім святкуе Каляды Руская праваслаўная царква, да якой належыць большасць беларусаў, патлумачыла Службе інфармацыі “ЕўраБеларусі” доктарка тэалогіі Ірына Дубянецкая.

Яна нагадала, што рашэнне адзначаць Каляды менавіта 25 снежня было прынята ў 325 годзе на першым сусветным саборы ў Нікеі. Дагэтуль хрысціяне ўвогуле не святкавалі нараджэнне Ісуса Хрыста. І свята было прызначана на зімовы сонцаварот 25 снежня, калі пачынае павялічвацца дзень. Гэта звязана з ідэяй аб узыходжанні сонца-Хрыста. Вось чаму сёння большасць цэркваў у свеце адзначаюць Каляды 25 снежня.