Мікалай Статкевіч узнагароджаны прэміяй Вілі Брандта

Личности

Прэмія заснаваная Сацыял-дэмакратычнай партыяй Германіі за ўнёсак у справу ўзаемапаразумення і міру паміж народамі, піша statkevich.org.

Прэмія была аб'яўленая Сацыял-дэмакратычнай партыяй Германіі ў 2011 годзе, у гонар 40-годзя знакамітага схілення каленяў Вілі Брандтам у Варшаве перад помнікам героям Варшаўскага гета. Гэты жэст ва ўсім свеце ўспрымаецца, як жэст пакаяння за злачынствы II Сусветнай вайны.

Прэмія складаецца з двух частак. Галоўную атрымае нарвежскі прэм'ер-міністр Столтэнберг. Мікалай Статкевіч уганараваны прэміяй "За асаблівую палітычную мужнасць".

Прэмія будзе ўручацца ў гэтым годзе ў другі раз. Першым лаўрэатам стаў у мінулым годзе дырыжор Daniel Barenboim. Спецыяльнай узнагародай ў мінулым годзе была ўганараваная егіпецкі рэжысёр Laila Soliman.

Узнагарода ўручаецца на спецыяльнай цэрымоніі ў Willy-Brandt-Haus у Берліне.