Мастака Алеся Пушкіна арыштавалі на 12 сутак

4 снежня мастак правёў перфоманс, наведаўшы Вярхоўны суд з партрэтам змагара антысавецкага супраціву Расціслава Лапіцкага, піша Радыё Свабода.

Дакладную прычыну арышту мастака сакратар суддзі Марыны Запаснік, якая выносіла рашэнне, паведаміць адмовілася.

У Цэнтры ізаляцыі правапарушальнікаў пацвердзілі, што з 5 снежня Алесь Пушкін адбывае ў іх 12-суткавы адміністратыўны арышт.

5 сьнежня каля 13.00 дня мастак паспеў паведаміць па тэлефоне, што ён затрыманы і знаходзіцца ў РУУС Ленінскага раёну Мінска. На гэтым сувязь з ім абарвалася і ўсялякая далейшая інфармацыя пра ягоным лёс адсутнічала.

У Вярхоўным судзе Алесь Пушкін абскарджваў рашэнне суду Смаргоньскага раёну, паводле якога адбываў 10-суткавы адміністратыўны арышт за тое, што ў верасні гэтага году прайшоў з партрэтам Расціслава Лапіцкага па вуліцах Смаргоні.