Прагляд фільма Стэфана Русу "Вярнуць права на горад"

Ён будзе праходзіць ў Галерэі "Ў" (г. Мінск, прасп. Незалежнасці, 37a). Пачатак у 18.30. Уваход вольны!

Гэтым разам да прагляду будзе прапанаваны фільм Стэфана Русу "Вярнуць права на горад" (арыгінальная назва: "Reclaim the City"), пасля чаго адбудзецца публічная дыскусія на тэму: "Трансфармацыі гарадской прасторы ў постсацыялістычных краінах".

З удзелам аўтара фільма, а таксама сябрам "Лабараторыі крытычнага ўрбанізму" (ЕГУ) Ганнай Пазняк, прадстаўніком аб’яднання MONOGROUP Аляксандрам Хадзяковым і яго калегамі-архітэктарамі.

Падчас дыскусіі прапануем абмяркаваць наступныя пытанні:

• Трансфармацыя гарадской прасторы пасля 1991 года;
• Працэсы аблагароджвання (джэнтрыфікацыі) районаў Мінска;
• Роля арт-супольнасці ў працэсах трансфармацыі гарадской прасторы;
• Адносіны ўлады, капітала і крэатыўнай супольнасці да праблем трансфармацыі гарадской прасторы.

Пра фільм і яго стваральніка

"Вярнуць права на горад" ("Reclaim the City"): 64 мін., 2012 год. Фільм Стэфана Русу.

Фільм складзены з матэрыялаў вандровак і інтэрвью, архіўных запісаў, асабістых гісторый і публічных акцый, праз каторыя распавядае пра новы Берлін. Гэтыя гісторыі дапамагаюць убачыць супярэчнасці і кропкі напружання грамадскай памяці і нацыянальнай ідэнтычнасці канца XX - пачатку XXI стагоддзяў. Фільм зроблены ў жанры даследчай дакументалістыкі і знаёміць нас з драматычнымі працэсамі сацыяльна-эканамічных змен, трансфармацыі горада пасля падзення берлінскай сцяны і ўплыву стратэгій аблагароджвання горада (джэнтрыфікацыі) на месцы агульнага карыстання (публічныя прасторы).

Фільм ствраны на замову 7-й Берлінскай біенале, сапрадзюсар Цэнтр сучаснага мастацтва KSAK (Кішынёў) пры падтрымцы Goethe Institute (Бухарэст); Фонд ERSTE (Вена) і Romanian Cultural Institute (Берлін).

Падрабязней пра фільм глядзіце тут.

Стэфан Русу - мастак, куратар, рэжысёр і кінематаграфіст, працуе ў Кішынёве і Бухарэсце. Асноўным кірункам яго зацікаўленнасцей як мастака і куратара ёсць працэсы трансфармацыі ў пост-савецкіх краінах, пачынаючы з 1989 года.

Мова дэманстрацыі фільму і абмяркавання: руская.

Паводле Галерэі "Ў"