"Міжнародная амністыя" асудзіла канфіскацыю офіса "Вясны"

"Канфіскацыя офіса праваабарончага цэнтра "Вясна" з'яўляецца абуральным парушэннем міжнародных абавязацельстваў Беларусі ў галіне правоў чалавека, у тым ліку права на свабоду асацыяцый", — заявіў намеснік дырэктара праграм для Еўропы і Цэнтральнай Азіі праваабарончай арганізацыі «Міжнародная амністыя» Давід Дыяс-Жож’е.

Яго заява стала рэакцыяй на высяленьне «Вясны» з мінскага офісу, у якім праваабаронцы працавалі апошнія 12 гадоў, піша радыё "Свабода".

"Права на аб’яднанне — асноўнае права чалавека і нарожны камень любога дэмакратычнага грамадства. Беларуская Канстытуцыя гарантуе кожнаму права на свабоду сходаў, але штодня мы бачым, што права на свабоду асацыяцыяў, сходаў і выказванне меркаванняў парушаюцца ў Беларусі", — заявіў Дыяс-Жож’е.

Ён таксама паведаміў, што 10 кастрычніка беларускія ўлады ўпершыню з 1990 года адмовілі ў выдачы ўязной візы прадстаўніку "Міжнароднай амністыі".

Намеснік дырэктара праграм "Міжнароднай амністыі" адзначыў, што канфіскацыя офісу "Вясны" адбылася "на фоне пагаршэння умоваў дзейнасці для тых, хто займаецца абаронай правоў чалавека ў Беларусі".