Міністэрства культуры прыпыніла будаўніцтва ў Курапатах “Бульбаш-хола”

Канчатковага рашэння на дадзены момант няма, пра знос пабудаванай часткі гаворка пакуль не ідзе, паведаміў “Нашай Ніве” начальнік Упраўлення па ахове гісторыка-культурнай спадчыны і рэстаўрацыі Мінкультуры Ігар Чарняўскі.

Ён адзначыў, што “першапачаткова ўзгаднялася будаўнітва каля Курапатаў аб’екта прыдарожнага сэрвісу”. Аднак у часе будаўніцтва ідэя перарасла ў забаўляльны комплекс.
Міністэрства культуры выявіла парушэнні на будоўлі каля месца пахавання ахвяраў масавых рэпрэсій у Курапатах. Часткова работы праводзіліся ў ахоўнай зоне гісторыка-культурнай каштоўнасці.

Пра будаўніцтва рэстаранна-забаўляльнага комплекса "Бульбаш-хол" каля Курапатаў стала вядома ў кастрычніку. Пасля пратэстаў грамадскасці з будоўлі спачатку знікла рэклама комплексу, а цяпер пачаліся праверкі.

Нагадаем, што прадстаўнікі кампаніі "Гавары праўду!" выступалі з прапановай пераўтварэння "Бульбаш-хола" ў музей.