Міжнародны дзень супраць беспакаранасці адзначаецца 23 лістапада

Ініцыятыву падтрымала глабальная сетка арганізацый па справах абароны і прасоўвання права на свабоду выказвання - IFEX.

Кожны дзень па ўсім свеце журналістаў, мастакоў, музыкаў, пісьменнікаў і абаронцаў свабоды выказвання прымушаюць замаўчаць. Часцяком тое, што здарылася з імі, застаецца нерасследаваным, а здзейсненыя ў дачыненні да іх злачынства - беспакаранымі. Міжнародны дзень барацьбы з беспакаранасцю ўпершыню адзначаўся 23 лістапада 2011 года, у гадавіну разні Ампатуан 2009 года на Філіпінах, калі 32 журналіста і працаўніка СМІ былі забітыя.

Мэта гэтага Дня - дасягненне правасуддзя для тых, каго пераследуюць за ажыццяўленне права на свабоду выказвання. IFEX заклікае да дапамогі сусветную грамадскасць, прыцягваючы ўвагу да праблемы беспакаранасці. Гэты Дзень заахвочвае зацікаўленых грамадзян з усяго свету дзейнічаць, прыкладаць намаганні да таго, каб іх галасы былі пачутыя, і патрабаваць правасуддзя.

Як паведамляе радыё "Свабода", сёлета Міжнародная асацыяцыя для абароны свабоды слова звяртае асаблівую ўвагу на справу беларускай журналісткі Ірыны Халіп, якая летась была прысуджаная да двух гадоў пазбаўлення волі з адтэрміноўкаю выканання прысуду на два гады па абвінавачанні ў арганізацыі беспарадкаў 19 снежня 2010 году. Журналістка не мае права пакідаць Мінск без дазволу крымінальна-выканаўчай інспекцыі, мусіць з вечара да раніцы быць дома, у любы момант да яе з праверкамі могуць прыйсці — і прыходзяць — міліцыянты. Яе муж, Андрэй Саннікаў, у мінулым месяцы атрымаў палітычны прытулак у Вялікабрытаніі.