У Ленінскім РУУС Мінска правядуць праверку з нагоды паступлення заявы пра катаванне

Праверка пачалася пасля таго, як 57-гадовы вартаўнік Васіль Сарочык заявіў, што яго катавалі.

Намеснік начальніка крымінальнага вышуку Ленінскага РУУС Дзмітрый Шыкунец заявіў «Свабодзе»: «Я ніякіх камэнтароў даваць вам не буду, і ніхто не будзе даваць пакуль. Там прызначанае правядзенне службовай праверкі. Калі будзе праведзеная службовая праверка, то тады будуць вядомыя нейкія вынікі. Праверка прызначаная, да нас ужо прыехалі прадстаўнікі ўласнай бясьпекі і будуць праводзіць праверку з гэтай нагоды».

Службовая праверка будзе праводзіцца цягам месяца, распачалася яна з 21 лістапда.

Раней інфармацыйна-асветніцкая ўстанова «Платформа» накіравала ў Генеральную пракуратуру, Міністэрства ўнутраных спраў і Следчы камітэт Беларусі паведамленні пра здзекі з Васіля Сарочыка.

57-гадовы вартаўнік аўтастаянкі Сарочык кажа, што яго катавалі і прымушалі прызнацца ў крадзяжах.