Суд працягне разгляд справы супраць грамадскага актывіста Уласевіча

Личности

Сам Уласевіч кажа, што пратакол складзены прамінулай датай, таму ён адмовіўся яго падпісваць, паведамляе радыё "Свабода" .

Кандыдата ў дэпутаты Мікалая Уласевіча 21 верасня міліцыянты затрымалі ў Астраўцы, правялі ператрус у ягоным аўто і ў хаце ў Варнянах.

З машыны канфіскавалі 116 бюлетэняў «Прававая дапамога насельніцтву», у хаце — 72 улёткі АГП «За сумленныя выбары без Лукашэнкі».

Паводле Уласевіча, на ягоныя просьбы выдаць яму на рукі копіі ўсіх пастаноў аб правядзенні ператрусаў міліцыянты выдалі толькі копію пратакола асабістага агляду.

Сам Мікалай Уласевіч звяртаўся ў пастарунак, каб яму далі копіі пратаколаў вобшуку, але яму ўвесь час адмаўлялі, пасля чаго ён абскардзіў дзеянні міліцыі ў судзе.

Пасля гэтага праз 10 дзён міліцыянты ізноў завіталі да яго дамоў у Варняны, каб скласці пратакол аб непадпарадкаванні супрацоўнікам міліцыі. Уласевіч адмовіўся ў гэтым удзельнічаць.