Інтэрнэт як голас грамадскасці: еўрапейскі дослед

Да ўдзелу ў майстар-класе запрашаюцца журналісты, прадстаўнікі грамадскіх арганізацый, блогеры, ініцыятары сацыяльных кампаній.

Вітаецца ўдзел у мерапрыемстве як удзельнікаў мінулых модуляў праграмы By_HUB, так і тых, хто хоча далучыцца да ўдзелу ў ёй зараз.

Пра што майстар-клас?

2 міліярды чалавек карыстаюцца інтэрнэтам, 156 мільёнаў з іх - стваральнікі кантэнту. Бурнае развіццё сацыяльных сетак і новы медыя-ландшафт робяць з карыстальнікаў публічных камунікатараў і не пакідаюць бар’ераў для ўзаемадзеяння.

У той жа час традыцыйныя СМІ сутыкаюцца з шырокім спектрам новых пытанняў, узнікае патрэба больш глыбока вывучаць не толькі традыцыйныя каналы, але і асвойваць новыя: Facebook, Twitter, YouTube, WikiLeaks і г.д.

Майстар-клас накіраваны на вывучэнне новых магчымасцяў Інтэрнэту як інструмента выказвання думак, фарміравання меркаванняў. Экcперт падзеліцца сваім досьведам, правядзе дэбаты на тэму новых магчымасцяў для журналістаў і грамадскіх актывістаў.

Больш падрабязна пра эксперта

Жан-Мары Коа (Jean-Marie Coat) эксперт, журналіст і медыя-трэнер, прафесар журналістыкі і камунікацый універсітэта Сарбона і Інстытута медыяў у Парыжы. Заснавальнік і дырэктар французкага кансалтынгавага агенцтва Chaski-Communication (Парыж).

За 10 гадоў працы журналістам і рэпарцёрам, Жан-Мары асвятляў палітычныя, эканамічныя і сацыяльныя навіны ва Усходняй Еўропе.

Жан-Мары таксама з’яўляецца аўтарам і суаўтарам шматлікіх вядомых радыё і тэлепраграм, у прыватнасці: праграмы "Перадавіцы прэсы" на канале France 5.

Сёння эксперт кансультуе кампаніі ў сферы камунікацыйных і медыя-стратэгій.

У дадатак да майстар-класу удзельнікаў чакае нефармальная сустрэча ў межах Клуба новых медыяў BY_HUB.

Працягваючы тэму "Як Інтэрнэт сёння змяняе грамадскі актывізм", пяць дакладчыкаў прадставяць паспяховыя гісторыі рэалізацыі ўласных анлайн-ініцыятыў.

Умовы ўдзелу

Для ўдзелу ў майстар-класе неабходна да 25 лістапада 2012 года запоўніць анлайн-заяўку.

Увага! Час на адбор і набыццё квіткоў абмежаваны, таму інфармацыя аб выніках адбору будзе прыходзіць у час падачы заявак. У выпадку ўзнікнення пытанняў пішыце на адрас элеткроннай пошты: [email protected].

Што такое BY_HUB?

BY_HUB - гэта пляцоўка для абмену ідэямі і для камунікацыі паміж людзьмі, зацікаўленымі ў тэхналогіях Інтэрнэту і эфектыўных камунікацыях дзеля павышэння якасці жыцця грамадства.

Навучальная частка праграмы ўключае ў сябе майстар-класы, гасцявыя лекцыі, баркэмпы, іншыя мерапрыемствы, якія будуць адпавядаць патрэбам і магчымасцям удзельнікаў.

Паводле 3sektar.by