Адхілена апеляцыя на рашэнне аб ліквідацыі ўстановы “Платформа”

Разгляд скаргі адбыўся пры адсутнасьці прадстаўнікоў «Плятформы», распавёў Радыё Свабода кіраўнік установы Андрэй Бандарэнка.

«Рашэнне было прынятае яшчэ 13 лістапада, прычым бяз нашага ўдзелу. Сакратар суду нібыта згубіла нашу заяву аб пераносе паседжання, а суддзя зрабіў выгляд, што нічога ўжо зрабіць немагчыма. Гэта ўсё дадаткова сведчыць пра тое, як працуюць суды ў Беларусі. Што да самога рашэння — нічога дзіўнага. Калі ёсць загад зверху пра закрыццё, то суддзі будуць закрываць вочы на закон, на сумленне і выконваць загад»,- сказаў Андрэй Бандарэнка.

Кіраўнік “Платформы” паведаміў, што ўжо накіраваная касацыйная скарга ў Вышэйшы гаспадарчы суд, а таксама пададзеная скарга ў пракуратуру.

Нагадаем, 9 кастрычніка Мінскі гаспадарчы суд пастанавіў ліквідаваць установу «Платформа», якая займаецца абаронай правоў вязняў беларускіх турмаў. Рашэнне было прынятае паводле пазову да «Платформы» з боку падатковай інспекцыі Савецкага раёну Мінску. Прадстаўнікі «Платформы» назвалі прэтэнзіі падаткоўцаў надуманымі.