Задайце пытанне Уладзіміру Мацкевічу

Уладзімір Мацкевіч адкажа на пытанні ў сераду, 21 лістапада.

Нагадаем, 16 лістапада 2012 года ў Мінску прайшла Канферэнцыя Нацыянальнай платформы Форума грамадзянскай супольнасці Усходняга партнёрства. Прадстаўнікі амаль шасці дзесяткаў арганізацый "трэцяга сектару" выпрацоўвалі нацыянальную стратэгію еўрапейскай інтэграцыі. 29-30 лістапада 2012 года гэтая стратэгія будзе абмяркоўвацца на чацвёртай сустрэчы Форума грамадзянскай супольнасці Усходняга партнёрства ў Стакгольме.

Удзельнікі большасцю галасоў (31 з 44-х) прынялі Канцэпцыю развіцця Нацыянальнай платформы на 2012-2014 гады. Перамог варыянт Мацкевіча, які прадугледжвае большую палітызацыю недзяржаўнага сектару.

Сам Мацкевіч у палітызацыі Нацплатформы не бачыць нічога дрэннага.

"Тады мы павінны канстатаваць факт і сказаць: мы, невялічкая частка актыўных людзей у грамадзянскай супольнасці і палітычнай апазіцыі - за еўрапейскую інтэграцыю, а тыя, хто кіруе нашай краінай, - супраць", - заявіў ён "Свабодзе".

Задаць пытанне Уладзіміру Мацкевічу можна ТУТ.