Таварыства “Зялёная сетка” заклікае футбалістаў захаваць зялёныя насаджэнні

Нагадаем, што дадзены праект прадугледжвае выдаленне больш за 100 зялёных насаджэнняў на тэрыторыі парка, размяшчэнне аўтастаянкі і непасрэднае будаўніцтва самаго спартыўнага цэнтра.

У сваім звароце “Зялёная сетка” звяртае ўвагу на негатыўнае стаўленне мясцовых жыхароў да рэалізацыі праекту, паколькі ён наўпрост закранае іх правы і законныя інтарэсы, у прыватнасці права на спрыяльнае навакольнае асяроддзе. Таксама ў звароце кажацца, што з прычыны “неспрыяльнай экалагічнай сітуацыі, што склалася ў раёне будаўніцтва спартыўнага цэнтру, вырубка болш за 100 зялёных насаджэнняў у парку Дружбы народаў і размяшчэнне аўтастаянкі прывядзе да яшчэ большай экалагічнай забруджанасці”. І паколькі дадзены праект знаходзіцца пад эгідай БФФ, прадстаўнікі “Зялёнай сеткі” звяртаюцца з просьбай да Румаса С.М., каб ён зрабіў усё магчымае дзеля таго, каб ТАА “Форэвэр спорт” (заказчык і распрацоўшчык праекту) адклікалі або перанеслі аб’ект на альтэрнатыўнае месца, дзе б не закраналіся канстытуцыйныя правы, свабоды і законныя інтарэсы грамадзян Рэспублікі Беларусь.

Андрэй Раманцоў (юрыст “Зялёнай сеткі”): “На мой погляд, будаўніцтва спартовага комплексу на тэрыторыі парка Дружбы народаў з'яўляецца недапушчальным, паколькі парушае канстытуцыйнае права грамадзянаў на спрыяльнае навакольнае асяроддзе і супярэчыць нормам заканадаўства аб будаўніцтве. Больш таго будаўніцтва гэтага аб’екту прывядзе да яшчэ большай экалагічнай напружанасьці ў раёне. Таму сённяшні зварот у Беларускую федэрацыю футбола, пад эгідай якой плануецца рэалізацыя дадзенага будаўніцтва, гэта яшчэ адзін спосаб дагрукацца да кіраўніцтва ТАА “Форэвэр спорт” з мэтай перагляду іх намеру рэалізаваць праект на тэрыторыі парку”.