"Беларускі архіў вуснай гісторыі" запрашае на трэнінг па захаванні і апрацоўцы інтэрв’ю

Калі так, то ў вас ёсць магчымасць прыняць удзел у невялікім трэнінгу па азнаямленні з асновамі захавання і апрацоўкі інтэрв’ю, які правядуць прадстаўнікі каманды інтэрнэт-праекта "Беларускі архіў вуснай гісторыі" Ірына Кашталян і Вольга Іванова!

Вы навучыцеся афармляць успаміны ў архіўную базу дадзеных праекта, выстаўляць іх для агульнага выкарыстання, а таксама рабіць транскрыпцыю, сегментацыю і індэксацыю інтэрв’ю, ствараць суправаджальныя дакументы да іх. Пры жаданні будзе праведзена дадатковае кансультаванне па прынцыпах збору інтэрв’ю.

Мерапрыемства адбудзецца 24 лістапада 2012 года ў Мінску з 13 да 16 гадзін. Арганізатары аплочваюць выдаткі на даезд для асоб з іншых гарадоў. На падставе пададзеных заявак будзе адабрана 10 удзельнікаў.

Заяўкі з пазначэннем кароткіх звестак пра сябе, матывацыі ўдзелу, узроўню ведаў у накірунку вуснай гісторыі, кантактнай інфармацыі накіроўваць на адрас электроннай пошты: [email protected].

Апошні тэрмін падачы заяўкі: 15 лістапада 2012 года.

Пры наяўнасці інтарэсу магчыма будучае супрацоўніцтва ў межах інтэрнэт-праекта "Беларускі архіў вуснай гісторыі". 

МГА "Гісторыка"