Навуковае кафэ "Барыс Уладзіміравіч Кіт - "першы беларус у свеце"

Мерапрыемства праводзіцца ў межах праекта РНТБ “Беларускія імёны ў сусветнай навуцы і тэхніцы”. які прысвечаны навукоўцам-беларусам, зрабіўшым значны ўнёсак у развіццё чалавецтва: адкрыцці ў галіне фізікі, хіміі, медыцыны, тэхнікі, авіябудавання, геалогіі, будаўніцтва і інш.

Чарговае пасяджэнне навуковага кафэ ў межах гэтага праекта прысвечаны Барысу Уладзіміравічу Кіту - выхадцу з Беларусі, навукоўцу з сусветным імем, матэматыку, фізіку, хіміку, прафесару, доктару філасофіі ў галіне матэматыкі і гісторыі навукі, найстарэйшаму члену Амерыканскага астранаўтычнага таварыства, ганароваму доктару навук Гродзенскага дзяржаўнага універсітэта імя Янкі Купалы, акадэміку Міжнароднай акадэміі астранаўтыкі, ганароваму грамадзяніну Навагрудка, паведамляе ЗБС "Бацькаўшчына".

Арганізатары мерапрыемства - Дзяржаўны камітэт па навуцы і тэхналогіях Рэспублікі Беларусь, Рэспубліканская навукова-тэхнічная бібліятэка.

У працы навуковага кафэ прымуць удзел вядомыя дзеячы беларускай навукі, літаратуразнаўцы і пісьменнікі, журналісты, а таксама студэнты і маладыя навукоўцы.

Мэтай дадзенага мерапрыемства з'яўляецца інфармаванне шырокай грамадскасці аб нашым выбітным суайчынніку, які шырока вядомы сусветнай навуковай грамадскасці дзякуючы свайму значнаму ўнёску ў развіццё сусветнай тэхнічнай думкі, як пра чалавека, які воляй лёсу быў вымушаны выехаць за мяжу, але ніколі не забываў сваёй Радзімы, дапамагаў многім беларусам, якія таксама пакінулі Беларусь.

У межах інфармацыйнай падтрымкі навуковага кафэ будзе арганізаваная тэматычная выстава выданняў, прысвечаных жыццю і навуковай дзейнасці Барыса Уладзіміравіча. Так, напрыклад, на экспазіцыі будуць прадстаўленыя выданні Лідзіі Савік "Космас беларуса» і "Вяртанне", трылогія Васіля Цімафеевіча Якавенкі “Пакутны век”, вершы Вольгі Міхайлаўны Іпатавай, прысвечаныя Барысу Уладзіміравічу, апавяданні самога Барыса Уладзіміравіча, запісаныя Васілём Быкавым і іншыя матэрыялы.

Удзельнікам навуковага кафэ таксама прадэманструюць урывак з дакументальнага фільма "Зорнае прыцягненне", а таксама фільм-успамін Барыса Уладзіміравіча "Праз церні ды зораў".

Запрашаюцца ўсе зацікаўленыя ўзяць удзел у рабоце навуковага кафэ.

Уваход вольны!

Мерапрыемства будзе праходзіць па адрасе: г. Мінск, прасп. Пераможцаў, 7, пак. 413.

Пачатак працы ў 14.00.

Нумар тэлефона для справак: (+375 17) 2033480.