Круглы стол па пытаннях удзелу моладзевых арганізацый у Форуме грамадзянскай супольнасці Усходняга партнёрства

Альтэрнатыўная моладзевая платформа (АМП) запрашае да абмеркавання гэтых ды іншых пытанняў на круглым стале, які пройдзе 25 кастрычніка 2012 года ў Мінску.

У канцы лістапада 2012 года адбудзецца чарговая сустрэча Форума грамадзянскай супольнасці Усходняга партнёрства (ФГС УП).

АМП запрашае прадстаўнікоў моладзевых арганізацый, а таксама іншых грамадскіх арганізацый і ініцыятыў і ўсіх ахвотных да ўдзелу ў круглым стале "Міжнароднае супрацоўніцтва ў межах праграмы "Усходняе партнёрства": магчымасці і перспектывы для моладзевых арганізацый Беларусі".

Мерапрыемства будзе праходзіць 25 кастрычніка 2012 года з 14.00 да 16.00. Месца правядзення будзе паведамлена пасля рэгістрацыі (інфармацыя ніжэй).

Удзел бяруць:

• дэлегат Еўрапейскага моладзевага форума (YFJ) на ФГС УП;
• прадстаўнік Нацыянальнай платформы ФГС УП;
• лідары моладзевых НДА Беларусі.

Папярэдняя праграма:

• Прэзентацыя праграмы "Усходняе партнёрства": агульны агляд (мэты, структура).
• Даклад "Усходняе партнёрства: магчымасці ўдзелу для моладзевых НДА".
• Дыскусія: "Ці патрэбна моладзевая падгрупа ў межах Нацыянальнай платформы ФГС УП?"

Рэгістрацыя

Для рэгістрацыі дашліце, калі ласка, на адрас электроннай пошты [email protected] наступную інфармацыю:

• Імя і прозвішча ці псеўданім удзельніка;
• Назву арганізацыі ці ініцыятывы (калі ёсць);
• Кантактныя нумар тэлефона і адрас электроннай пошты.

Апошні тэрмін падачы заяўкі: 23 кастрычніка 2012 гоада (ўключна).

Месца правядзення будзе паведамлена пасля рэгістрацыі.