Навуковая вандроўка па родных мясцінах Адама Міцкевіча

Вандроўка адбудзецца 21 кастрычніка 2012 года.

Яе вядучыя: Ігар Бабкоў, Ірына Дубянецкая і Тамара Вяршыцкая.

Маршрут: Навагрудак - Завоссе - воз. Свіцязь - Валеўка - гара Радагошча.

Ігар Бабкоў паспрабуе пераканаць вас, што Міцкевіч - не класік. Дакладна, не толькі класік. Ён непрачытаны паэт і мысляр, які для беларусаў застаецца ўсяго толькі "нашым выбітным суайчыннікам". Чаму мы не хочам чытаць і разумець Міцкевіча? У якім творы ён прадказаў сенняшнія падзеі ў Беларусі?

Ірына Дубянецкая распавядзе пра міты і паданні зямлі, што нарадзіла Міцкевіча.

Тамара Вяршыцкая, дырэктар Навагрудскага гістарычнага музея, раскажа пра ўзаемасувязь Міцкевіча і габрэйскай традыцыі.

Вы наведаеце Дом-музей Адама Міцкевіча ў Завоссі, Музей габрэйскага супраціву, ўбачыце Камень філарэтаў і іншыя месцы, звязаныя з жыццём філаматаў і філарэтаў.

Вас чакае ў госці нядаўна адкрытая прыватная мастацкая галерэя ў Наваградку.

Кошт паездкі: 95 тыс. рублёў.

Даведкі і запіс па нумары тэлефона: (+375 29) 1802838 (Святлана).

Колькасць месцаў абмежаваная, спяшайцеся!

Лятучы ўніверсітэт