Прэміі ў выглядзе кніг на 5-ю гадавіну Падворка

У якасці прызоў лаўрэатам даруюцца асобнікі цікавых старых кніг. Сёлета лаўрэаты вызначаліся па трох намінацыях. У намінацыі “За дасканаласьць фіксацыі часу” быў узнагарожданы пісьменнік і літаратар Сяргей Дубавец за сваю выбітную кнігу “Майстроўня. Гісторыя аднаго цуду”. Узнагародамі для намінанта сталіся 2 кнігі: тэкст публічнай лекцыі Антона Луцкевіча “Янка Купала як прарок Адраджэньня”, выдадзены ў Вільні ў 1932 годзе, і выданне Якуба Коласа пад псеўданімам Тарс Гушча “У Палескай глушы”, якое таксама выйшла ў свет у Вільні, але ў 1923 годзе.

У намінацыі “За дэмакратычную ўпартасць” быў узнагароджаны жыхар Гомелю Аляксандр Калядка - ініцыятар збору подпісаў за правядзенне Усебеларускага народнага сходу на дэмакратычнай аснове. У якасці падарунка намінанту будзе перададзенае выданне «Въ поискахъ ортодоксіи» А. Брамъ, выдадзенае 1909 годзе ў Санкт-Пецярбузе.

У намінацыі “За абуджэнне стваральнай салідарнасці” быў уганараваны малады гісторык Андрэй Радкоў, які знайшоў на інтэрнэт-аўкцыёне друкаванае выданне Статута ВКЛ 1588 года ды ініцыяваў паспяховыя дзеянні па вяртанні рарытэту ў Беларусь.