Лекцыя Маціаса Хардэр і Ханса Пілера ў рамках праекта "Маладыя беларускія фатографы"

Адкрытая лекцыя праводзіца ў межах ініцыятывы Інстытута імя Гёте "Культура і развіццё: менеджары ў сферы культуры" і праекта Андрэя Лянкевіча "Маладыя беларускія фатографы" .

Куратары Маціас Хардэр (Dr. Matthias Harder) і Ханс Пілер (Prif. Hans Pieler) распавядуць пра 16 беларускіх праектаў, што былі абраны ў кнігу, патлумачаць свой выбар; правядуць паралелі з маладой нямецкай фатаграфіяй, паведамляецца на znyata.com. Таксама куратары адкажуць на пытанні, якія тычацца праекта, бачання сучаснай фатаграфіі і г.д.

Фота-кніга, прысвечаная сучаснай беларускай фатаграфіі пабачыць свет на пачатку 2013 года ў нямецкім выдаўніцтве Kehrer, будзе распаўсюджвацца ў крамах усяго свету і будзе прэзентавана на найбуйнейшым кніжным кірмашы ў Франкфурце ў верасні 2013 года. Фотапраекты для кнігі выбралі Маціас Хардэр, куратар і кіраўнік Музея Хельмута Ньютана ў Берліне і Ханс Пілер, фатограф і прафесар фатаграфіі ў мастацкай Акадэміі ў Хільдесхайм.

Такім чынам, прыходзце 29 верасня 2012 года а 14-й гадзіне ў Галерэі TUT.BY, што знаходзіцца па адрасе: г. Мiнск, вул. В. Харужай, 1a (гандлёвы цэнтр), 6-ы паверх. Уваход з правага боку гандлёвага цэнтра.

Тэлефон для даведак: (+375 29) 3843807, кіраўнік праекта Андрэй Лянкевіч.