Рух "За Свабоду" запрашае ў школу "Мадэрнізацыя: Беларусь і Аб’яднаная Еўропа"

Навучанне адбудзецца 5-10 лістапада 2012 года ў адной з еўрапейскіх краін з удзелам беларускіх і еўрапейскіх экспертаў. У тыднёвай праграме - лекцыі, дыскусіі, навучальныя візіты, сімуляцыйныя гульні і іншыя цікавыя мерапрыемствы (экскурсіі, кінапрагляды).

Па выніках навучання лепшыя выпускнікі школы атрымаюць магчымасці для рэалізацыі ўласнага праекта.

Паспяховыя ўдзельнікі атрымаюць таксама рэкамендацыі для стажыявання ў еўрапейскіх арганізацыях.

Удзел у школе “Мадэрнізацыя: Беларусь і Аб’яднаная Еўропа” могуць узяць асобы ва ўзросце 18-30 год, актыўныя ў грамадскай і/або палітычнай сферы.

Працоўная мова: беларуская.

Арганізатары пакрываюць выдаткі на праезд і пражыванне.

Зацікаўленым асобам трэба запоўніць анкету ўдзельніка, напісаць эсэ на тэму “Што, на маю думку, трэба мадэрнізаваць у Беларусі і як гэта найлепш зрабіць?” (2500-5000 сімвалаў) і даслаць гэта на адрас электроннай пошты: [email protected].

Гранічны тэрмін падавання заявак: 11 кастрычніка 2012 года. Просьба ў тэме паведамлення пазначаць сваё імя і прозвішча.

Вынікі адбору будуць абвешчаныя 15 кастрычніка 2012 года.

Дадатковую інфармацыю можна атрымаць, звярнуўшыся на адрас электроннай пошты: [email protected] ці па нумары тэлефона: (+375 29) 6061034.

Паводле Руху "За Свабоду"