Дыскусія "Магчымасці і кірункі рэфармавання сістэмы вышэйшай адукацыі ў Беларусі"

Падчас дыскусіі можна будзе пачуць меркаванне еўрапейскіх экспертаў, а таксама прадстаўнікоў беларускага грамадскага Балонскага камітэта. Кожны з удзельнікаў зможа задаць пытанні і непасрэдна паўдзельнічаць у дыскусіі.

Прэзентацыі еўрапейскіх экспертаў будуць рабіцца на англійскай мове. Пры неабходнасці, будзе магчымасць скарыстацца паслугамі перакладчыка.

Дыскусія адбудзецца ў пятніцу 21 верасня па адрасе: прасп. Незалежнасці, 80-73 (офіс “Руху “За Свабоду”). Пачатак а 18.00.

Праграма мерапрыемства:

• 18:00-18:30 Прэзентацыя дзейнасці грамадскага Балонскага камітэта.
• 18:30-19:00 Магчымасці і перашкоды на шляху рэфармавання сістэмы вышэйшай адукацыі ў Беларусі.
• 19:00-19:45 Удзел еўрапейскіх арганізацый у рэфармаванні сістэмы адукацыі ў Беларусі: погляд з Еўропы і Беларусі (дыскусія).
• 19:45-20:00 Падвядзенне вынікаў, нефармальная частка.

Крыніца