Выкладчык амерыканскага ўніверсітэта ладзіць даследаванне беларускамоўнай моладзі

Мэтай даследавання з'яўляецца вывучэнне "моўных аўтабіяграфій" і моўных упадабанняў беларускамоўнай студэнцкай моладзі ва ўзросце да 25 гадоў.

Вядомы славіст і беларусазнаўца Курт Вулхайзэр (Curt Woolhiser) запрашае прыняць удзел у апытанні не толькі тых студэнтаў, хто стала карыстаецца беларускай мовай з дзяцінства, але таксама і тых, хто выхоўваўся ў рускамоўных сем'ях, але свядома перайшоў на беларускую як асноўны сродак стасункаў.

Каб паўдзельнічаць у даследаванні, трэба запоўніць анкету і даслаць яе адрас электроннай поштай: [email protected] (пажадана да 24 верасня 2012 года). Адказы застануцца ананімнымі.

Крыніца