Прагляды дакументальных стужак ў Амбасадзе Чэхіі ў Мінску

Удзельнікі паказаў таксама будуць мець магчымасць пазнаёміцца з творамі былога палітвязня Аляксандра Квяткевіча. Выстава малюнкаў, падрыхтаваных спадаром Квяткевічам падчас яго знаходжання ў следчым ізалятары КДБ Беларусі, арганізавана пры дапамозе ініцыятывы “Наша пакаленне”.

Паказы праходзяць ў Мінску ў памяшканні Амбасады Чэхіі па адрасе: зав. Музычны, 1/ 2.

Першы прагляд адбыўся 5 верасня, падчас якога дэманстраваўся фільм "Мост праз раку Вадзі" ізраільскіх рэжысёраў Барака і Томера Хейманн.

У фільме распавядаецца пра першы навучальны год бінацыянальная двухмоўнай школы, якую стварыла група арабскіх і яўрэйскіх бацькоў у адной з арабскіх вёсак Ізраіля.

Наступныя прагляды адбудуцца 12 і 19 верасня.

12 верасня будзе прапанован увазе фільм, зняты французскім рэжысёрам Мілэн Солуа, “Хто забіў Наташу?”.

Фільм падрыхтаваны па замове французскага тэлебачання. Рэжысёр даследуе прычыны забойства праваабаронцы і журналісткі Наталлі Эстэміравай і ўсю існуючую сістэму гвалту ў дачыненні да тых, хто адкрыта кажа аб парушэннях правоў чалавека ў Чачні.

Здымкі праводзіліся ў Грозным, Маскве, Санкт-Пецярбургу і Лондане. Фільм быў паказаны на фестывалі “Адзін Свет” у 2012 годзе, дзе атрымаў спецыяльную ўзнагароду.

Праграма паказаў скончыцца 19 верасня праглядам дакументальнай стужкі дацкага рэжысёра Андэрса Остгарда “Бірма VJ: Рэпартажы з закрытай краіны”.

"Бірма VJ" распавядае гісторыю арганізацыі "Дэмакратычны голас Бірмы" (DVB) і іх ролю ў барацьбе за вольную і дэмакратычную Бірму. Вядомы рэжысёр Андэрс Остгард знаёміць гледачоў з відэажурналістамі, якія, рызыкуючы сваім жыццём і пад пагрозай турэмнага зняволення знаёмяць свет з падзеямі, якія адбываюцца ў Бірме падчас пратэстаў 2007 года.

Фільм прапануе унікальную магчымасць пазнаёміцца з высокай рызыкай журналісцкай прафесіі і іншадумства ў паліцэйскай дзяржаве і ў той жа час дазваляе гледачу зазірнуць у драматычныя дні верасня 2007 года, калі будысцкія манахі пачалі свае маршы пратэсту.

Прагляды будуць пачынацца а 19.00. Уваход вольны!

Усе фільмы суправаджаюцца беларускамоўнымі тытрамі.

Арганізатары вітаюць папярэднюю рэгістрацыю, але яна не з'яўляецца абавязковай.

Кантакты для сувязі з арганізатарамі: (+375 44) 5106281, [email protected].

Падзея на Facebook.