"Беларускі калегіюм" прапануе дадатковае навучанне

Прапануецца дадатковае навучанне па наступных спецыялізацыях:

• журналістыка: падставовы курс;

• журналістыка: спецкурсы;

• найноўшая гісторыя;

• філасофія / літаратура.

Да ўдзелу ў конкурсе запрашаюцца студэнты старэйшых курсаў альбо асобы з вышэйшай адукацыяй. У выключных выпадках прымаюцца студэнты малодшых курсаў. Навучэнцамі "Беларускага калегіюма" могуць быць тыя, хто пастаянна альбо на час навучання пражывае ў Мінску.

Навучальныя праграмы "Беларускага калегіюма" арыентаваныя на выкладанне найноўшых фрагментаў сучаснай веды і не дублююць праграмы дзяржаўных і недзяржаўных універсітэтаў.

Сертыфікат "Беларускага калегіюма" не замяняе дыплом аб вышэйшай адукацыі.

Навучанне ў "Беларускім калегіюме" бясплатнае.

Пачатак заняткаў: 1 кастрычніка 2012 года.

Заяўкі прымаюцца па 23 верасня 2012 года.

Больша падрабязна пра ўмовы паступлення глядзіце тут.

Дадатковую інфармацыю можна атрымаць па адрасе электроннай пошты: [email protected].