Школа маладога журналіста запрашае на заняткі

На базе “Рэгіянальнай газеты” (Маладэчна) арганізуецца Школа маладога журналіста для моладзі рэгіёна!

Прымаюцца ахвотныя ад 16 да 23 гадоў (у выключных выпадках мяжа вагаецца ў абодва бакі) з Маладзечна, Вілейкі ды наваколля.

Працягласць заняткаў - навучальны год (з верасня 2012 года па чэрвень 2013 года).

УВАГА! МОЛАДЗЬ З МІНСКА ТАКСАМА ПРЫМАЕЦЦА ПРЫ ЎМОВЕ, ШТО ЗМОЖАЦЕ ЕЗДЗІЦЬ ТРОЙЧЫ НА МЕСЯЦ (ПА НЯДЗЕЛЯХ) У МАЛАДЭЧНА!

Заняткі бясплатныя. Будуць праходзіць раз на тыдзень (у суботу ці нядзелю) ў рэдакцыі “Рэгіянальнай газеты” (Маладзечна, вул. Вялікі Гасцінец, 68а). Раз на месяц найлепшыя вучні будуць выпраўляцца ў Мінск на майстар-класы да вядучых беларускіх журналістаў. Таксама на заняткі будуць запрашацца цікавыя госці.

У Школе маладога журналіста вы:

• атрымаеце асноўныя навыкі сучаснага журналіста;
• навучыцеся лепш камунікаваць з людзьмі, здабываць і апрацоўваць інфармацыю;
• атрымаеце веды па вэб-журналістыцы, журналістыцы блогаў;
• навучыцеся рабіць і апрацоўваць фота, аўдыё, відэа.

Заняткі праводзіць журналіст Глеб Лабадзенка (працаваў у газетах: “Комсомольская правда” в Беларуси”, “Звязда”), лаўрэат рэспубліканскіх конкурсаў па журналістыцы.

Устаноўчыя заняткі адбудуцца ў канцы жніўня ў рэдакцыі “Рэгіянальнай газеты”.

Пры неабходнасці можна прыходзіць з бацькамі.

Дадатковая інфармацыя і запіс у школу:

• Глеб Лабадзенка:

[email protected]
skype: labadzenka

• Рэдакцыя:

(+375 29) 271 81 04
(+375 29) 676 84 20
тэл. у Маладзечне: (+375 176) 76 96 67

Крыніца